काठमाण्डौ/ नेपालमा बढेको कोभिड संक्रमण रोक्न सहयोग गर्न थाइल्याण्ड सरकारले नेपाललाई ३० युनिट हाइफ्लो नोजल क्यानोला, ८ युनिट अक्सिजन कन्सन्ट्रेटरसहित १० किसिमका सामाग्री सहयोग गरेको छ। थाइ नरेश महा बजिरालोङकन फ्रा बजिराक्लउछायुहबाटले ति सामाग्री उपलब्ध गराउनुभएको हो।

ती सामाग्री आज आइतबार शाही थाई एयर फोर्सको चार्टर बिमानमा नेपाल आइपुगेको हो। त्रिभुवन अन्तराष्टिय बिमानस्थलमा स्वाथ्य सामाग्री हस्तान्तरण कार्यक्रमा बोल्दै परराष्ट्रमन्त्री प्रदीप ज्ञवालीले बिषय परिस्थितिमा नेपालको लागि थाई राजपरिवारले गरेको सहयोग महत्वपुर्ण रहेको बताउनुभयो। thai 1

उहाले भन्नुभयो–‘थाई नरेश प्रति नेपाल सरकारले धन्यवाद दिन चाहन्छु’। उहाँले नेपाललाई आपतपर्दा अन्तराष्ट्रिय समुदायले निरन्तर सहयोग जारी राखेको बताउनुभयो।

ती सामाग्री थाइल्याण्डका राजदुत भोसिता भोरासावले स्वाथ्य तथा जनसंख्या मन्त्री हृदयस त्रिपाठीलाई हस्तान्तरण गर्नुभएको थियो। मन्त्री त्रिपाठीले थाई सरकारले गरेको महत्वपुर्ण सहयोगप्रति नेपाल सरकारले थाई नरेश र जनतालाई धन्यवाद दिन चाहन्छ भन्नुभयो। thai 2

शिक्षा, विज्ञान तथा प्रबिधि मन्त्री कृष्णगोपाल श्रेष्ठको संयोजनमा नेपाल भित्रिएको ती सामाग्री बिभिन्न अस्पताललाई हस्तान्तरण गरिने छ। सामाग्री हस्तान्तरण कार्यक्रममा बोल्दै शिक्षा, बिज्ञान तथा प्रबिधि मन्त्री श्रेष्ठले आफ्नै बिमान चार्टर गरी कोभिड नियन्त्रण गर्न नेपालमा स्वाथ्य सामाग्री उपलब्ध गराएकोमा थाई नरेश प्रति आभार व्यक्त गर्नुभयो।

राष्ट्रपति बिद्यादेवी भण्डारीले थाइ राजदुतावासमार्फत थाइ नरेशलाई पत्र पठाएर ती सामाग्री नेपाल आइपुगेको हो। सोही पत्रको आधार र स्वाथ्य तथा जनसंख्या मन्त्रालयले आवश्यक पर्ने सूची गरेपछि सोही आधारमा थाइल्याण्ड सरकारले स्वास्थ्य समाग्री उपलब्ध गराएको हो।

मन्त्री श्रेष्ठले नेपाल र थाईल्याण्डबीचको सुमधुर सम्बन्धको कारण कोभिड नियन्त्रणको लागि महत्वपुर्ण सामाग्री नेपाल आइपुगेको जानकारी गराउनुभयो।

नरेश महा बजिरालोङकन फ्रा बजिराक्लउछायुहबाट थाई रोयल एडको रुपमा ती स्वास्थ्य सामग्रीहरु नेपाल सरकारलाई सहयोग गरिएको हो। नेपाललाई थाई राजदरबारबाट सहयोग जुटाउन थाइल्याण्डको भिक्षु संघमा प्रतिष्ठित नेपाली मूलका भिक्षु थाई राजकीय बिहार वाट बोभर्नका उपप्रमुख भिक्षु फ्रा देव शाक्य बंशपण्डित अर्थात फ्रा डा.अनिल शाक्यसँग माननीय शिक्षामन्त्री कृष्णगोपाल श्रेष्ठसँगको समन्वयमा भएको पहलमा सो सहयोग जुट्न सम्भव भएको हो। thai3

नेपाली राजदूतावासमार्पmत थाई नरेशलाई पत्र प्राप्त भएपछि थाई नरेशले नेपाललाई सहयोग गर्न निर्देशन जारी भएको थियो। सोही आधारमा थाई सरकारले १० लाख थान सर्जिकल मास्क, ४ हजार ५ सय पिपिई गाउन, १० हजार जोडी लेग कभर, १० हजार थान सर्जिकल क्याप, ५ हजार थान फेस सिल, २० हजार थान एन्टिजेन किट, ६ सय थान पल्स अक्सिमिटर, १ हजार ५ सय थान डिजिटल थर्ममिटर, १ हजार थान बडी ब्याग सहयोग सामाग्री नेपाल सरकारलाई उपलब्ध गराएको छ।

ती सामाग्री बाहेक थाई राजकुमारीले ७ हजार थान पिपिई गाउन उपलब्ध गराउनुभएको छ।