धेरैलाई मन नपर्ने तरकारी घिरौला खाँदाका १०फाईदा

  • न्युजडेस्क
  • प्रकाशित मिति: कार्तिक १८, २०७९

सुनसरी/ घिरौला स्वादका लागी मात्र नभई स्वास्थका लागी पनि उत्तिकै फाइदाजनक हुन्छ। जताततै फलेर हो या सस्तो भएर हो, यसको लोकप्रियता जति हुनुपर्ने हो त्यति छैन्।

अझ भन्नुपर्दा त प्राय मानिसले घिरौला मन पराएको पाइँदैन। घिरौला गृष्म, वर्षायामको लहरे तरकारी हो। यो तरकारी बैशाखदेखि असोजसम्म फल्ने गर्छ। यसमा अत्याधिक मात्रामा रेसादार पदार्थ तथा औषधीय गुण हुन्छ। यसको सेवनले खानामा रुचि बढाउनुका साथै मुटु र पेटका रोगीहरुलाई फाइदा पु¥याउँछ।

घिरौला बेर्ना सारेको ४० देखि ५० दिनमा टिप्न लायक हुन्छ। यसमा चिल्लो पदार्थको मात्रा अत्यन्तै कम हुन्छ। घिरौँलामा प्रचुर मात्रामा रेशादार पदार्थ, भिटामिन ए, भिटामिन सी, जिंक, आइरन, म्याग्नेसियमलगायत शरीरलाई आवश्यक पर्ने महत्वपूर्ण सूष्म तत्वहरु पाइन्छ।

घिरौला खानुका फाइदाहरु :
१. शरीरमा रहेका बिशाक्त बस्तुहरुलाई हटाई रगत शुद्ध गर्ने र कलेजो स्वस्थ राख्न मद्दत गर्छ।

२. रगतका नलीहरु बन्द हुनबाट बचाउनुका साथै आमाशयको काममा पनि सहयोग गर्छ।

३. जन्डिस जस्तो बिमारीको हकमा पनि यसले फाइदा गर्छ।

४. चिल्लो पदार्थ तथा कोलेस्टेरोल मात्रा न्यून हुने हुनाले यसले मोटोपना कमी गर्न पनि सहयोग गर्छ।

५. पानीको मात्रा बढी हुने हुनाले यसले पानीको कमी हुन दिँदैन।

६. यसमा रहेको इन्सुलिन जस्तो पदार्थले रगत र पिसाबमा रहेको चिनीको मात्रालाई घटाउन मद्दत गर्छ।

७. यसमा रहेको बेटा क्यारोटिनले आँखाको दृष्टि बढाउन मद्दत गर्छ।

८. यसको प्रयोगले छालाको सौन्दर्यमा बृद्धि गर्ने र डण्डीफोर जस्ता संक्रमण हुनबाट बचाउँछ।

९. यसको नियमित प्रयोगले पेटमा हुने अम्लीयपन तथा अल्सर हुनबाट बचाउँछ।

१०. यसमा एन्टिबायोटिक एन्टिअक्सिडेण्ट तथा एन्टिफंगल गुणहरु पनि हुन्छ।


सञ्चालक/सम्पादक: त्रिलोचन पौड्याल

मोबाइल नं.: ९८५२०४९३५१

ठेगाना: इटहरी–६ सुनसरी

बिज्ञापनका लागि : ०२५-५८९३५१ / [email protected]

सूचना विभाग दर्ता नं. ३८९/०७३–०७४

Copyright © 2015 / 2022 - Purbikhabar.com All rights reserved