फाइल तस्विर
इटहरी / सिराहाको औरही गाउँपालिका–२ मा श्रीमानले श्रीमतीलाई जिउँदै आगो लगाएका छन्। २१ वर्षीया अनिताकुमारी यादवलाई श्रीमान् विनोद यादवले शुक्रबार साँझ पेट्रोल छर्केर आगो लगाइदिएका हुन्।
![](/uploads/advertise/janata school_1720267096.jpg)
घाइते अनितालाई छिमेकीको सहयोगमा उपचारका लागि परिवारले विराटनगरस्थित म्याक्स अस्पताल पुर्याएका थिए, त्यहाँ उपचार सम्भव नभएपछि अनितालाई आइतबार बिहान ३ बजे राजधानीको कीर्तिपुर अस्पताल ल्याइएको थियो। तर, अस्पताल पुर्याउँदा उनको ज्यान गइसकेको थियो।
खाना बनाउँदै गर्दा श्रीमान् र श्रीमतीबीच पारिवारिक लेनदेनको विषयमा विवाद भएको र सोही क्रममा विनोदले अनितालाई पेट्रोल छर्किंदा चुल्होबाट आगो सल्किएको प्रारम्भिक अनुसन्धानका क्रममा पाइएको जिल्ला प्रहरी कार्यालय सिराहाका एसपी उमाप्रसाद चतुर्वेदीले जानकारी दिनुभयो।