काठमाण्डौ / नेपाली राष्ट्रिय फुटबल टोली र इङ्ग्ल्याण्डको ‘सी’ टोलीबीच तय भएको पहिलो अन्तर्राष्ट्रिय मैत्रीपूर्ण फुटबल खेल स्थगन भएको छ।
विश्वभर महामारीको रुपमा फैलिएको कोरोना भाइरस (कोभिड-१९)का कारण इङ्ग्ल्याण्डमा हुने तय भएको पहिलो मैत्रीपूर्ण खेल स्थगन भएको अखिल नेपाल फुटबल सङ्घ (एन्फा)ले जनाएको छ।
![](/uploads/advertise/janata school_1720267096.jpg)
एन्फाका अनुसार अर्को मिति तय नभएसम्म सो खेल स्थगन भएको हो। मैत्रीपूर्ण खेल आगामी जेठ १२ गतेका लागि तय भएको थियो।
गत माघमा एन्फा र इङ्ग्ल्याण्डको फुटबल एशोसिएशन (एफए)सँग दुई मैत्रीपूर्ण खेल खेलाउने सम्झौता भएको थियो। दोस्रो मैत्रीपूर्ण खेल भने सन् २०२१ मा नेपालमा नै हुने बताइएको छ।