धनकुटा/धनुकुटाको साँगुरीगढी गाउँपालिका ६स्थित भेडेटारबाट करिब ५ सय ९४ किलो गाँजासहित ४जना पक्राउ परेका छन्। तीनजना भारतीय नागरीकसहित चारजना पक्राउ परेका हुन्।
प्रहरीले भारतको अररिया वतना गाँउ १ बस्ने ४४वर्षीय नईम खान, अररियाकै विहार बस्ने १८बर्षीय एकजना किशोर र अररियाकै कलियागञ्ज बस्ने ७० वर्षीय लखन महत्तो अनि नेपाली नागरीक मोरङको रंगेली नगरपालिका ७का ७०बर्षीय गयानन्द मण्डललाई पक्राउ गरेको हो।
![](/uploads/advertise/janata school_1720267096.jpg)
ईलाका प्रहरी कार्यालय भेडेटारबाट खटिएको प्रहरीले मुलघाटदेखि विराटनगरतर्फ जाँदै गरेको को १ ख ७३२२ नम्बरको ट्याङकरलाई जाँच गर्ने क्रममा ट्याङकरको बीचको डिब्बा (केल) भित्र लुकाई राखेको सो परिमाणको गाँजा फेला पारी ट्याङकरमा सवार उनीहरूलाई पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको जनाएको छ ।
![](/uploads/advertise/jeniksh_1697522121.gif)
-न्युज कारखानाबाट